आलु, प्याजमा लगाइएको भ्याटको बचाउ, घोराही सिमेन्टमा १ करोड २० लाख कित्ता फर्जी आवेदन ! (अर्थ रफ्तार)

काठमाडौं । अर्थमन्त्री डा. प्रकाशशरण महतले खानेतेलको कच्चा पदार्थ आयात महसुलमा गरिएको वृद्धि पुनर्विचार हुनसक्ने संकेत गरेका छन् । भारतमा सूर्यमुखी र भटमासको कच्चा तेलको आयात महसुल शून्य र कच्चा पामोलिनको ५ प्रतिशत छ ।

यसका कारण नेपालका उद्योगको लागत वृद्धि भएर तेल महँगो हुने हुँदा भारतीय सस्तो तेल तस्करीबाट भित्रिरहेको उद्योगीको दाबी पछि उनले कच्चा तेलको आयात महसुलमा संरक्षणको तह हेर्दै फेरि निर्णय गर्न सकिने बताएका हुन् । त्यसैगरि, स्वदेशका किसानले उत्पादन गरेको आलु र प्याजमा मूअकर नलाग्ने उल्लेख गर्दै आलु र प्याजको आयातमा लगाएको भ्याटको भने बचाउ गरेका छन ।