बिदामा कार्यालय खोल्नेबारे छलफल

काठमाडौँ, फागुन १२ गते ।

सार्वजनिक बिदाको दिन अत्यावश्यक सरकारी कार्यालय खोल्नेबारे मन्त्रिपरिषद्मा छलफल भएको छ। बिहीबार बसेको मन्त्रिपरिषद्को बैठकमा शनिबारबाहेकका सार्वजनिक बिदामा प्रत्यक्ष सेवाग्राहीसँग जोडिएका अत्यावश्यक तथा महत्त्वपूर्ण सरकारी कार्यालयहरू खुला राख्ने विषयमा छलफल भएको सञ्चार तथा सूचना प्रविधिमन्त्री रेखा शर्माले जानकारी दिनुभयो। सार्वजनिक बिदा धेरै भएको भन्दै सार्वजनिक रूपमा आलोचना हुन थालेपछि सरकारले उक्त विषयमा छलफल गरेको हो।