नयाँ वर्षमा ताल-टिपताला भञ्ज्याङ पर्यटन प्रवर्धन भ्रमण कार्यक्रम हुँदै

कोशी पर्यटन भ्रमण वर्ष २०८२ को अवसरमा ताप्लेजुङ सरोकार केन्द्र काठमाडौंले ओलाङचुङगोला-सिङ्जेमा ताल-टिपताला भञ्ज्याङ पर्यटन प्रवर्द्धन कार्यक्रम आयोजना गरेको छ।

टिपताला नेपाल र चीनको स्वशासित क्षेत्र तिब्बतको सीमा क्षेत्र हो। ताप्लेजुङ सरोकार केन्द्रका महासचिव अशोक प्यासी राईका अनुसार २०८२ साल चैत २८ देखि २०८३ वैशाख ६ गतेसम्म कार्यक्रम सञ्चालन हुने छ। सांस्कृतिक, प्राकृतिक र धार्मिक हिसाबले महत्त्वपूर्ण मानिएको क्षेत्रको भ्रमण पर्यटन प्रवर्द्धन कार्यक्रममा सहभागी भइदिन सरोकार केन्द्रले आह्वान गरेको छ।