ट्रम्पको चीन भ्रमणको नयाँ मिति तय, मे १४ मा बेइजिङ जाने

काठमाडौँ । इरानसँगको बढ्दो तनावका कारण अमेरिकी राष्ट्रपति डोनाल्ड ट्रम्पको चीन भ्रमणको नयाँ मिति सार्वजनिक भएको छ । ह्वाइट हाउसले जारी गरेको पछिल्लो विज्ञप्ति अनुसार, राष्ट्रपति ट्रम्प आगामी मे १४ र १५ तारिखमा बेइजिङ जाने भएका छन् ।

यसअघि ट्रम्प मार्च ३१ देखि अप्रिल २ सम्म चीन भ्रमणमा जाने तालिका थियो । तर, इरानमाथि अमेरिका र इजरायलले सुरु गरेको युद्धका कारण उक्त भ्रमण निर्धारित समयभन्दा पछि सारिएको हो ।