विस्कन्सिनमा आँधीका कारण डुंगा डुब्दा तिन जना बालबालिकाको मृत्यु

अमेरिका। अमेरिकाको विस्कन्सिन राज्यको दक्षिणी भागको जेनेभा तालमा गम्भीर मौसमका कारण डुंगा पल्टिएर दुर्घटना हुँदा ३ जना बालबालिकाको मृत्यु भएको जनाइएको छ।

जेनेभा प्रहरी विभागले ४ बच्चाहरू सहित १० जना सवार रहेको डुंगा तीव्र हावा र उग्र छालहरूको कारणले डुबाएको जनाएको छ। ६ जना वयस्क र एक बालकलाई पानीबाट उद्धार गरिएको जनाउदै प्रहरीले अन्य तीन जना बालबालिकाको उद्धार प्रयासका बावजुद मृत्यु भएको पुष्टि गरेको छ।