कोशीमा उठ्यो मध्यावधिको आवाज

काठमाडौं । कोशी प्रदेशमा मध्यावधि निर्वाचनमा गएर ताजा जनादेश लिनुपर्ने आवाज उठेको छ । पछिल्लो समयमा सरकार बन्ने र बहुमत नपुग्ने भएकाले सरकार नै विघटन हुँदैआइरहेका बेला मध्यावधि निर्वाचनको आवाज उठेको हो ।

नेपाल कम्युनिस्ट पार्टी (एकीकृत समाजवादी) सचिव एवं कोशी प्रदेश संसदीय दलका नेता राजेन्द्र राईले मध्यावधि निर्वाचनमा गएर ताजा जनादेश लिनुपर्ने बताए । कोशी प्रदेशका पूर्वमुख्यमन्त्रीसमेत रहेका राईले प्रदेशमा मध्यावधि निर्वाचनबाट ताजा जनादेश लिनुपर्ने प्रस्ताव अघि सारेका छन् ।