इरानद्वारा अमेरिकाको प्रस्ताव अस्वीकार

इरानले जारी युद्ध अन्त्य गर्ने अमेरिकाको प्रस्ताव अस्वीकार गरेको छ। अघिल्लो दिनसम्म अमेरिकासँग कुनै पनि च्यानलमार्फत वार्ता नभएको र कुनै प्रस्ताव पनि नआएको बताइरहेको इरानले बुधबार प्रस्ताव भने पाएको जनाएको छ।

अमेरिकाद्वारा प्रस्तावित १५ बुँदे प्रस्ताव आफूले प्राप्त गरे पनि त्यसको कुनै अर्थ नरहेको उसको प्रतिक्रिया छ। विभिन्न अन्तर्राष्ट्रिय समाचार संस्थाहरूले इरानी स्रोतलाई उधृत गर्दै तेहरानले अमेरिकाको प्रस्ताव प्राप्त गरेको जनाएको छ। तर यो प्रस्ताव अत्यान्तै ‘अधिकतमवादी र अव्यावहारिक’ भएको इरानको प्रतिक्रिया छ।