कारागारका कैदीमा ‘भाइरल’ ज्वरो

काठमाडौँ । चितवनस्थित जिल्ला कारागारका ५० जना कैदीबन्दीहरू भाइरल ज्वरोबाट पीडित भएका छन् । कारागारभित्र तीव्र रूपमा संक्रमण फैलिँदा कैदीबन्दीहरूको स्वास्थ्य सुरक्षामा चुनौती थपिएको छ ।

जिल्ला कारागार चितवनका प्रमुख रवीन्द्र ढुङ्गानाका अनुसार हालसम्म ५० जना कैदीमा यो समस्या पुष्टि भइसकेको छ । "दैनिक पाँचदेखि सात जना नयाँ बिरामी थपिइरहेका छन्," प्रमुख ढुङ्गानाले भने, "भाइरल ज्वरोको समस्या दैनिक रूपमा बढ्दै गएको छ ।"