‘मेरो कृषि मेरो पौरख’ नारामै सीमित, २७ करोड अनुदान कसरी बाँडियो ?

विराटनगर । कोशी प्रदेश सरकारले कृषि क्षेत्रलाई प्रमुख प्राथमिकतामा राखेको छ । सरकारका हरेक नीति तथा कार्यक्रम र बजेटमा कृषि क्षेत्रमा आधुनिकीकरणका लागि विभिन्न नारा र लोकप्रिय कार्यक्रम राखिएका छन् । तर, कार्यान्वयन भने भएको छैन ।

कोशी प्रदेश सरकारले आर्थिक वर्ष २०७८/०७९ मा राखेको कृषिसम्बन्धी लोकप्रिय नारा थियो ‘मेरो कृषि मेरो पौरख’ । यस्तै लोकप्रिय कार्यक्रम थिए– ‘प्रदेश प्रमुख नवप्रवर्तन कृषि कार्यक्रम’, ‘उत्पादनमा आधारित अनुदान’, ‘कृषि कर्जामा ब्याज अनुदान’, ‘कृषि औजार र उपकरण आयातमा भन्सार शुल्कमा अनुदान’ ।