सन्जु सामसनको विष्फोटक शतकमा चेन्नाईले खोल्यो जितको खाता, दिल्ली २३ रनले पराजित

काठमाडौँ । इन्डियन प्रिमियर लिगको जारी सिजनमा चेन्नाई सुपर किंग्सले आफ्नो जितको खाता खोलेको छ । शनिबार भएको खेलमा दिल्ली क्यापिटल्सलाई २३ रनले पराजित गर्दै चेन्नाईले लगातार तीन हारपछिको पहिलो जित दर्ता गरेको हो । चेन्नाईको जितमा सन्जु सामसनको अविजित शतकीय पारी नायक बन्यो ।

टस हारेर पहिले ब्याटिङको निम्तो पाएको चेन्नाईले निर्धारित २० ओभरमा मात्र २ विकेट गुमाएर २१२ रनको विशाल योगफल तयार पारेको थियो । चेन्नाईका लागि सन्जु सामसनले विष्फोटक ब्याटिङ गर्दै मात्र ५६ बलमा अविजित ११५ रन बनाए । उनलाई अर्का ब्याट्सम्यान आयुष म्हात्रेले ३६ बलमा ५९ रन बनाउँदै उत्कृष्ट साथ दिए । अन्त्यमा शिवम दुबेले आक्रामक खेल्दै १० बलमा अविजित २० रन जोडे ।