भारतमा लडाकु विमान दुर्घटना

भारतको गुजरातमा जामनगरनजिक बुधबार राति एक लडाकु विमान दुर्घटनाग्रस्त भएको छ। यो घटना कलावड रोडको सुवर्दा गाउँ नजिकै भएको हो। दुर्घटनास्थलबाट आगो र धुवाँको मुस्लो देखिएको छ।

दुर्घटनास्थलमा गाउँलेहरू पुगेका छन् । हालसम्म विमानमा कति जना पाइलट थिए र कस्तो प्रकारको विमान थियो भन्ने बारेमा जानकारी खुलाइएको छैन। समाचार एजेन्सी एएनआईले सैनिक स्रोतलाई उद्धृत गर्दै यो ज्यागुअर लडाकु विमान भएको बताएको छ ।