बालेन सरकारका सय दिन पूर्ण रूपमा असफल- प्रचण्ड

नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले बालेन्द्र शाह नेतृत्वको सरकारका सय दिन पूर्ण रूपमा असफल भएको टिप्पणी गरेका छन् ।

नेकपा लुम्बिनी प्रदेशको प्रथम एकता बैठक तथा प्रशिक्षण कार्यक्रममा सहभागी हुन शनिबार बुटवल पुगेका प्रचण्डले सञ्चारकर्मीसँग कुरा गर्दै सरकारले गठनका बेला गरेका आश्वासन र सिर्जना गरेको अपेक्षा पूरा गर्न नसकेको बताएका हुन्।