संसद, सेना र बालेन : तथ्य बुझ्ने कि हल्ला पछ्याउने?

यतिखेर प्रधानमन्त्री बालेन्द्र शाहले संसदमा सम्बोधन नगरेको भनेर केही बुद्धिजीवी वृत्तमा असामान्य कोलाहल देखिएको छ । आरोपहरू यस्ता छन्— उनले संसदको मर्यादा र महत्त्वलाई बेवास्ता गरे । अझै अगाडि बढ्दै केहीले उनको नागरिक सर्वोच्चताप्रतिको प्रतिबद्धतामाथि समेत प्रश्न उठाएका छन् ।

विवाद चर्काउन यस विषयलाई प्रधानमन्त्री बालेनले प्रधानमन्त्रीले भक्तपुरको खरिपाटीस्थित नेपाली सैनिक प्रतिष्ठानमा आयोजित एक कार्यक्रममा गरेको सम्बोधनसँग जोडेको पाइन्छ । बुधबार उक्त कार्यक्रममा अधिकृत क्याडेटहरूलाई आयुक्त पद प्रदान गरिएको थियो, जहाँ प्रधानमन्त्री प्रमुख अतिथिको रूपमा उपस्थित भई उत्कृष्ट क्याडेटहरूलाई खुकुरी तथा छडीद्वारा सम्मान गरेका थिए । आफ्नो सम्बोधनमा उनले मातृभूमि र जनताप्रति समर्पित रहने संकल्पसहित कठिन तालिम पूरा गरेका क्याडेटहरूलाई बधाई दिएका थिए ।