उपाधिका लागि भारत र अष्ट्रेलिया भिड्दै

आईसिसी एकदिवसीय विश्वकप क्रिकेटको उपाधिका लागि आइतबार प्रतिस्पर्धा हुँदैछ। अहमदाबादमा हुने फाइनल खेल नेपाली समय अनुसार दिउँसो सवा २ बजे सुरु हुनेछ।

प्रतियोगिताको फाइनलमा घरेलु टोली भारत र सर्वाधिक सफल टिम अष्ट्रेलिया आमने सामने हुँदैछन्। भारतले न्युजिल्याण्ड र अष्ट्रेलियाले साउथ अफ्रिकालाई हराउँदै फाइनल यात्रा तय गरेका हुन्। फाइनल अघिको मिडियासँगको भेटघाटमा दुवै टिमका कप्तानले फाइनलका लागि आफूहरु तयारी अवस्थामा रहेको बताए।