खुल्यो एभरेष्ट कलरको आईपीओ

काठमाडौँ । एभरेष्ट कलर लिमिटेडले सर्वसाधारणका लागि प्राथमिक शेयर (आईपीओ) बिक्री आजदेखि खुला गरेको छ । कम्पनीले दोस्रो चरणअन्तर्गत छ लाख ५५ हजार सात सय कित्ता साधारण सेयर निष्कासन तथा बिक्रीका लागि आवेदन आह्वान गरेको हो ।

यसअघि कम्पनीले पहिलो चरणमा वैदेशिक रोजगारीमा रहेका नेपालीहरूका लागि ७९ हजार कित्ता प्राथमिक शेयर निष्काशन गरेको थियो । उक्त सेयरको बाँडफाँड सम्पन्न भएपछि सर्वसाधारणका लागि आवेदन खुला गरिएको कम्पनीले जनाएको छ ।