नेपाल–पाकिस्तान मैत्री सांस्कृतिक संघद्वारा स्वागत समारोहको आयोजना

काठमाडौं

पाकिस्तानको ७६ औं स्वतन्त्रता दिवसको अवसरमा नेपाल–पाकिस्तान मैत्री तथा सांस्कृतिक संघले बिहीबार साँझ राजधानीमा स्वागत समारोहको आयोजना गरेको छ । उपराष्ट्रपति रामसहायप्रसाद यादवले उद्घाटन गरेका उक्त समारोहमा नेपालका लागि पाकिस्तानका राजदूत अब्रर हुसेन हाश्मीले नेपाल र पाकिस्तानबीचको घनिष्ठ सम्बन्धबारे चर्चा गर्दै नेपालको आर्थिक र सामाजिक विकासमा पाकिस्तानले सक्दो सहयोग गर्ने बताए ।