भारतीय प्रधानमन्त्री मोदीलाई प्रश्न गर्ने पत्रकार हेला लेंगको इन्स्टाग्राम र फेसबुक अकाउन्ट सस्पेन्ड

ओस्लोमा भारतीय प्रधानमन्त्री नरेन्द्र मोदीलाई प्रश्न गरेपछि चर्चामा आएकी नर्वेली पत्रकार हेला लेंगले आफ्नो फेसबुक र इन्स्टाग्राम खाताहरू निलम्बित गरिएको बताएकी छिन्। उनले इन्स्टाग्राममा एक पोस्ट मार्फत यो कुराको जानकारी दिएकी हुन्।

उनले लेखेकी छिन्, 'यदि तपाईं मलाई इन्स्टाग्राम वा फेसबुकमा सम्पर्क गर्न खोज्दै हुनुहुन्छ भने, म तपाईंलाई जानकारी गराउन चाहन्छु कि मेरा दुवै खाताहरू निलम्बित गरिएका छन्। म सकेसम्म धेरै भारतीयहरूलाई जवाफ दिन चाहन्थेँ, तर अब मेरा जवाफहरू ढिलाइ हुनेछन्। मलाई आशा छ कि म मेरा खाताहरू फिर्ता पाउनेछु।'