उदयपुर दशौँपटक पूर्णखोप सुनिश्चित घोषित

उदयपुरलाई दशौँपटक पूर्ण खोप तथा दीगोपना सुनिश्चित घोषित गरिएको छ। स्वास्थ्य कार्यालय उदयपुरको आयोजनामा मंगलबार दिउँसो जिल्लालाई ‘पूर्णखोप सुनिश्चित तथा दिगोपना जिल्ला’ घोषित गरिएको हो।

जिल्लाको कुल जनसंख्या ३ लाख ६८ हजार ७९ रहेकोमा १५ महिनामुनिका शिशु ५ हजार १ सय २७ जना र १६ देखि ५९ महिनासम्मका बालबालिका १५ हजार ५१ जना सबैलाई खोप लगाइसकेपछि जिल्लालाई पूर्णखोप सुनिश्चित घोषित गरिएको हो। जिल्ला खोप समन्वय समिति उदयपुरका सदस्यसचिव तथा स्वास्थ्य कार्यालय प्रमुख रामनरेश ठाकुरका अनुसार उदयपुरमा घरधुरी सर्वेक्षण गरी सबै बालबालिकालाई खोप लगाइसकिएको छ।