रातोपाटीकर्मी दुलाललाई उत्कृष्ट पत्रकार वर्ष अवार्ड

हेटौँडा । रातोपाटीकर्मी गणेश दुलाल पुरस्कृत भएका छन् । पाँचौ राष्ट्रिय हेटौँडा जर्नालिजम अवार्ड अन्तर्गत दुलाललाई पुरुष तर्फको उत्कृष्ट पत्रकार वर्ष अवार्ड प्रदान गरिएको हो ।

शनिबार हेटौँडामा सम्पन्न अवार्ड वितरणको कार्यक्रममा हेटौँडा उपमहानगरपालिकाको नगर प्रमुख मिनाकुमारी लामा, उपमेयर राजेश बानियाँ, मकवानपुरका प्रमुख जिल्ला अधिकारी सुर्यप्रसाद सेढाई लगायतले दुलाललाई प्रमाणपत्र, नगदसहित ट्रफी वितरण गरिएको थियो । कार्यक्रममा दुलालसहित अन्य १० वटा विधामा पत्रकारहरुलाई पुरस्कृत गरिएको छ ।