पुल निर्माणका लागि नौ महिनाअघि कार्यादेश दिए पनि काम सुरु भएन

सिमकोट – खार्पुनाथ गाउँपालिकाको केन्द्रअन्तर्गत पर्ने कर्णाली नदीमाथिको पक्की मोटरेबल पुुल निर्माणका लागि नौ महिनाअगाडि कार्यादेश दिए पनि निर्माण सुुरु हुन नसकेको पाइएको छ। पुल निर्माण कम्पनी पक्षले ६ महिनामा सक्नुुपर्ने डिपिआर र लागत इस्टिमेट तयारी गर्ने कार्यमा ढिलाइ गरेकाले पुल निर्माण सुुरु हुन नसकेको हो।

गाउँपालिका केन्द्र याङ्चु बजारबाट वडा नम्बर २, ३ र ४ जोड्न कर्णाली नदीमाथि पक्की पुल निर्माण गर्न दुुई वर्षअगाडि कर्णाली प्रदेश सरकार भौतिक पूर्वाधार मन्त्रालयबाट बजेटको व्यवस्था भएको थियो।