रुखको हाँगाले लागेर एक जनाको मृत्यु

भैरहवा । रुपन्देहीको देवदह नगरपालिका–६ केउलीस्थित सामुदायिक वन क्षेत्रमा रुखको हाँगाले लागेर एक जनाको मृत्यु भएको छ । स्थानीय ३९ वर्षीय हेमबहादुर घर्तीको मृत्यु भएको प्रहरीले जनाएको छ ।

पाल्पाली सामुदायिक वनमा पुनरोत्पादन कटानअन्तर्गत रुख काट्ने क्रममा हाँगाले लागेर घर्ती गम्भीर घाइते भएका थिए । देवदह प्रहरी चौकीका प्रमुख प्रहरी निरीक्षक भिमसेन विष्टका अनुसार रुख कटान भइरहेको स्थानमा बिहीबार अनुगमनका लागि पुगेका घर्तीमाथि हाँगा खस्दा दुर्घटना भएको हो ।