घट्दै छन् हिमालपारिबाट जाडो छल्न आउने चराहरू

६० वर्षीय टेकबहादुर गुरुङ चितवनका पुराना नेचर गाइड हुन्। जंगल घुम्न आउने पर्यटकलाई घुमाउन सौराहामा 'जंगल टुरिस्ट गाइड' नामको संस्था खोलेका उनी चराको विषयमा खास रूचि राख्छन्।

चराको संरक्षणमा काम गर्ने संस्था 'बर्ड एजुकेसन सोसाइटी, सौराहा' का पूर्वअध्यक्ष उनी सन् २०१२ यता भएका सबैजसो चरा गणनामा सहभागी भएका छन्। पछिल्ला केही वर्षमा भएका गणनाबाट आएको तथ्यांकले भने उनलाई चिन्तित बनाएको छ।