हर्मुज तनाव चुलिँदै: वार्तामा ‘गम्भीर’ हुन ट्रम्पको इरानलाई चेतावनी

डोनाल्ड ट्रम्प ले मध्यपूर्वमा बढ्दो तनावबीच इरानलाई युद्ध अन्त्यका लागि वार्तामा गम्भीर रूपमा संलग्न हुन आग्रह गरेका छन्। बिहीबार उनले ढिलाइ नगरी कूटनीतिक समाधानतर्फ अघि बढ्न इरानलाई चेतावनी दिएका हुन्।

इजरायलले इरानी रिभोलुसनरी गार्ड्सका एक नौसैनिक कमान्डरलाई मारेपछि सुरु भएको तनावका क्रममा ‘स्ट्रेट अफ हर्मुज’ जलमार्ग अवरुद्ध भएको बताइएको छ। यस अवस्थाका लागि इरानले अमेरिका र इजरायललाई प्रत्यक्ष रूपमा जिम्मेवार ठहर गरेको छ। विश्व ऊर्जा आपूर्तिको प्रमुख मार्ग मानिने यस जलमार्ग अवरुद्ध हुँदा अन्तर्राष्ट्रिय बजारमा ठूलो आर्थिक प्रभाव पर्ने चिन्ता बढेको छ।