आइपिएलमा मुम्बई विरुद्ध आरसीबी १८ रनले विजयी

काठमाडौँ । इन्डियन प्रिमियर लिग (आइपिएल) अन्तर्गत आइतबार भएको उच्च स्कोरको रोमाञ्चक खेलमा रोयल च्यालेन्जर्स बेङ्ग्लोरले मुम्बई इन्डियन्सलाई १८ रनले पराजित गरेको छ ।

टस हारेर पहिले ब्याटिङको निम्तो पाएको आरसीबीले निर्धारित २० ओभरमा ४ विकेट गुमाएर २४० रनको विशाल योगफल तयार पारेको थियो । आरसीबीका लागि फिल सल्टले विस्फोटक ब्याटिङ गर्दै मात्र ३६ बलमा ७८ रन बनाए । त्यस्तै, रजत पाटीदारले २० बलमा ५३ रन तथा विराट कोहलीले ३८ बलमा ५० रनको अर्धशतकीय पारी खेले ।