नेपाली स्याउको माग बढ्यो, उत्पादन बढेन

दुई वर्षदेखि बजार र उचित मूल्य नपाएका जुम्ला, डोल्पा तथा मुस्ताङका स्याउ किसान यस वर्ष बिक्री राम्रो भए पनि कालिकोट, जुम्ला, दैलेखको बाटो भत्किंदा समस्यामा परेका छन्।

उपभोक्ताले नेपाली स्याउ खोज्न थालेपछि यसको माग बढेको विक्रेता बताउँछन्। दुई वर्षमा बल्लतल्ल राम्रो बिक्री हुन लागेको जुम्लाको स्याउलाई बिग्रेको बाटोले धक्का दिने देखिएको छ।