‘स्ट्रेट अफ हर्मुज इरानको होइन’

स्ट्रेट अफ हर्मुज बन्द गर्ने इरानी प्रयासको संयुक्त अरब इमिरेट्स (युएई) का उद्योग मन्त्री तथा अबुधाबीको सरकारी तेल कम्पनीका प्रमुख सुल्तान अहमद अल जाबेर कडा विरोध गरेका छन् । स्ट्रेट बन्द गर्न वा खोल्नका लागि इरानको नभएको उनले बताए ।

सामाजिक सञ्जालमार्फत प्रतिक्रिया दिँदै अल जाबेरले उक्त स्ट्रेट “कहिल्यै पनि इरानको नियन्त्रणमा नरहेको” र यसलाई बन्द वा प्रतिबन्ध गर्ने कुनै अधिकार नभएको बताएका छन्। उनले यस्तो कदमलाई “विश्वव्यापी आर्थिक जीवनरेखा अवरुद्ध गर्ने र ऊर्जा, खाद्य तथा स्वास्थ्य सुरक्षामाथि प्रत्यक्ष खतरा” का रूपमा वर्णन गरेका छन् ।