विराट अव्यवस्थालाई सुव्यवस्थामा बदल्ने महानगरपालिकाको प्रयास

विराटनगर । विराटनगर महानगरपालिकामा अव्यवस्था धेरै छ । विगतमा व्यवस्थित गर्ने कुरा पनि भएकै हुन् तर काम भएन । २०५४ सालमा निर्वाचित तत्कालीन मेयर रमेशचन्द्र अधिकारीले केही प्रयास गरेको कतिपय स्थानीयवासी स्मरण गर्छन् । त्यसयता भने विराटनगर महानगरपालिकाको अधोगति सुरु भयो । अहिले पनि विराटनगर महानगरपालिका आर्थिक हिसाबले काठमाडौँपछिको दोस्रो सहर थियो । तर उक्त स्थानबाट अहिले छैटौँ स्थानमा झरेको छ ।

गत भदौ ९ गते २२ बुँदे श्वेतपत्र जारी गर्दै हालका नगरप्रमुख नागेश कोइरालाले विगतको निराशा, विसङ्गति, विकृति र कमीकमजोरीलाई चिर्दै दोस्रो स्थानीय सरकारका रूपमा आएको हालको जनप्रतिनिधिले सुशासन र समृद्धिको यात्रालाई अगाडि बढाउनुपर्ने बताएका थिए ।