विश्वकप २०२६ : सह आयोजक क्यानडा र बोस्निया हर्जगोभिना बराबरीमा रोकिए

टोरोन्टो । सह आयोजक क्यानडाले विश्वकप २०२६ मा शुक्रबार बोस्निया हर्जगोभिनाविरुद्धको खेल १–१ को बराबरीमा टुंग्याएको छ । यस विश्वकपको यो पहिलो बराबरी खेल हो । क्यानडाले विश्वकपमा अंक बटुलेको पनि यो पहिलो अवसर हो ।

क्यानडाको विश्वकपमा यो तेस्रो सहभागिता हो । टोलीले यसअघि १९८६ मा मेक्सिकोमा र २०२२ मा कतारमा विश्वकप खेलेको थियो, तर ती दुवै संस्करणमा क्यानडा सबै खेलमा पराजित रहेको थियो ।