प्रहरीद्वारा १०६ केजी गाँजा बरामद

धनकुटाको साँगुरीगढी गाउँपालिका–८ सिंखुलाबाट प्रहरीले अवैध लागूऔषध गाँजा करिब १ सय ६ केजी बरामद गरेको छ । गएराति प्रहरीको गस्ती टोलीले सो गाँजा बरामद गरेको हो ।

ईलाका प्रहरी कार्यालय भेडेटारबाट खटिएको प्रहरीलाई देख्नासाथ को.१ ज १८११ नम्बरको पिकअप गाडी चालकले गाडी छाडी फरार भएपश्चात गाडी जाँच गर्नेक्रममा पिकअपमा लोड गरी राखेका सो गाँजा प्रहरीले बरामद गरेको हो ।