दुर्लभ पन्छी सारसमा ‘जीपीएस’

लुम्बिनी — बल्ल पखेटा तान्न सिकेका आकर्षक बचेरा माउको अघिपछि गर्दै आहारा टिप्न सिक्दैछन् । विश्वकै दुर्लभ पन्छी सारसका बचेरा हुर्किएर अहिले उड्न सक्ने भएका छन् ।

मिहनेत र संघर्ष गरेर सारसले हुर्काएका बचेरा अब साता/१० दिनमा पहिलो उडानको तयारीमा हुँदा सारसबारे अध्ययन गर्न नेपालमा पहिलो पटक ‘जीपीएस ट्याग’ जडान गरिएको छ । रुपन्देहीमा तीन र कपिलवस्तुका तीन वटा करिब एक सय दिनका सारसमा ‘जीपीएस ट्याग’ र ‘कलर रिङ’ लगाइएको हो ।