चेपुवामा मिटरब्याज पीडित

अहिलेलाई तुरुन्तै सरकारले दोहोरो चेपुवामा परेका मिटरब्याज पीडितहरूको आवाज गम्भीरतापूर्वक सुनी उनीहरूको पीडामा मल्हम लगाउन जरुरी छ।

साहुसँग ऋण लियो अनि त्यो तिर्न फेरि लघुवित्तबाट ऋण काढ्यो। यो तराईका थुप्रै जिल्लाका निमुखा जनताको पीडा हो। बैंक वित्तीय संस्थासम्म पहुँच छैन। धितो राख्ने जमिन छैन। अनि साहुको मुख नताकी पनि सुख हुँदैन। तर साहुचाहिँ राहु निस्कन्छन्— हजारको ऋणलाई लाख लेखिदिन्छन् र तमसुकमा ल्याप्चे लगाउँछन्।