अहिलेका गायक अल्छी : मदनकृष्ण

काठमाडौं । अभिनेता एवं गायक मदनकृष्ण श्रेष्ठ सोमबार पुतलीसडकस्थित आर्टोम्युज रेकर्डिङ स्टुडियोमा पुगे । नेपाल भाषाको नयाँ गीत रेकर्ड गर्न उनी स्टुडियो पुगेका थिए । मिजासिला स्वभावका मदनकृष्णले गीत रेकडिङको क्रममा पुराना कुरा सम्झिए ‘पहिला पहिला पूरा गीत सुरुदेखि अन्त्यसम्म एक टेकमै गाउनुपथ्र्यो ।’ उनले भने, ‘अहिले त एउटा एउटा शब्द जोडेर पनि गीत बनाउन मिल्छ कति सजिलो ।’

कलाकार श्रेष्ठले त्यही स्टुडियोमा नेपाली र नेपाल भाषाका दुई दर्जनभन्दा बढी गीत रेकर्ड गराइसकेका छन् । प्रविधिमा आएको परिवर्तनले स्रष्टालाई निकै सजिलो भएको कुरा गरे ।