धरौटीमा रिहा भएपनि न्यायको पर्खाइमा कमेडियन अपूर्वक्षितिज ?

हास्यकलाकार अपूर्वक्षितिज सिंहलाई काठमाडौं जिल्ला अदालतले धरौटीमा रिहा गरेको छ । सामाजिक सद्भाव खल्बलाएको लगायतका चार वटा अभियोग लागेका सिंहलाई अदालतले २ लाख ५० हजार धरौटीमा रिहा गरेको हो ।

हास्यकलाकार अपूर्वक्षितिज सिंहले नेवारी संस्कृतिमाथि व्यंग्य गर्दै सामाजिक रितिस्थिति र सार्वजनिक शान्ति खलल पारेको कसुरमा प्रहरीमा जाहेरी परेको थियो । उनले युट्युबमा राखेको भिडियोको विषयलाई लिएर विवाद भएको हो । यसैका आधारमा प्रहरीले उनीमाथि छानबिन गरी मुद्दा चलाएको हो । तर उनले अपलोड गरेको भिडियो हटाएर माफी मागे पनि प्रहरीले त्यसको वेवास्ता गर्दै मुद्दा चलाएकोमा आलोचना भएको थियो ।