विश्वकप फुटबलः नकआउट चरणमा पुग्ने थप तीन देशको टुंगो

दोहा– बुधवार राति खेलिएका समुह चरणका चार भिन्न खेलबाट विश्वकप फुटबलको अन्तिम १६ (नकआउट चरण) मा पुग्ने थप तीन टोलीको टुंगो लागेको छ ।

बुधवार राति भएको पहिलो खेलबाट अस्ट्रेलिया नकआउट चरणमा पुग्न सफल भएको हो । समुह डि को अन्तिम खेलमा डेनमार्कलाई १–० गोलले पराजित गर्दै अस्ट्रेलिया प्रि–क्वाटरफाइनल चरणमा पुग्ने पहिलो एशियाली मुुलुक समेत बनेको छ । यो समुहबाट अस्ट्रेलिया उपविजेता बन्दै अघिल्लो चरणमा पुगेको हो ।