बालश्रममुक्त वडा घोषणा 

डोटी — दिपायल सिलगढी नगरपालिकाको वडा नम्बर ६ लाई बालश्रम मुक्त वडा घोषणा गरिएको छ । जिल्ला सदरमुकाम रहेको सो वडालाई शुक्रबार शैलेश्वरी मन्दिर प्राङ्गणमा एक कार्यक्रमकाबीच नगर प्रमुख बाजी सिं खड्काले बालश्रममुक्त वडा घोषणा गरे ।

यसरी बालश्रम मुक्त वडा घोषणा भएको यो तेस्रो हो । यस अघि दिपायल सिलगढी नगरपालिकाले वडा नम्बर ५ र वडा नम्बर ८ लाई बालश्रममुक्त घोषणा गरिसकेको छ।