नेपालमा राइड हेलिङ सेवा सुरु गर्न उबर र ट्याक्सीमाण्डुबिच रणनीतिक साझेदारी

काठमाडौँ । अमेरिकी बहुराष्ट्रिय राइड हेलिङ कम्पनी उबरले नेपालमा सेवा विस्तार गर्न ट्याक्सीमाण्डुसँग रणनीतिक साझेदारी गरेको छ । यी दुई कम्पनीबिच एक साता अघि रणनीतिक साझेदारी भएको ट्याक्सीमाण्डुका एक अधिकारीले जानकारी दिए ।

उबरको आगमनलाई लिएर बजारमा विभिन्न अडकलबाजी चलिरहेका बेला ट्याक्सीमाण्डुसँगको सहकार्यमा नेपालमा आफ्नो सेवा विस्तार गर्न लागिएको उनले स्पष्ट पारे । उबरले यस साझेदारीको छिट्टै आधिकारिक घोषणा गर्ने पनि उनको भनाइ छ ।