अमेरिका र नाइजेरियाको संयुक्त कारबाहीमा १७५ लडाकु मारिएको दाबी

अबुजा । नाइजेरिया र अमेरिकाको संयुक्त सैन्य कारबाहीमा आईएसआईएस तथा पश्चिम अफ्रिकी शाखा आईएसआईएलका १७५ लडाकु मारिएको जनाइएकाे छ । नाइजेरियाली सेनाले याे कारबाहीलाई आतंकवादीलाई खोजेर समाप्त गर्ने अभियानको हिस्सा भन्दै संयुक्त कारबाहीको प्रशंसा गरेको छ ।

नाइजेरियाको रक्षा मुख्यालयका अनुसार अमेरिकी सेनाको अफ्रिका कमान्ड (अफ्रिकम) सँग मिलेर गरिएको हवाई तथा स्थल कारबाहीमा इस्लामिक स्टेट पश्चिम अफ्रिका प्रान्तका आईएसआईएल सम्बद्ध चेकप्वइन्ट, हतियार भण्डार, रसद केन्द्र, सैन्य उपकरण र वित्तीय सञ्जाल ध्वस्त पारिएकाे छ ।