आत्मघाती गोलले रोकियो पिएसजी

फ्रेन्च क्लब पेरिस सेन्ट जर्मेन (पिएसजी)ले युइएफए च्याम्पियन्स लिगअन्तर्गत पोर्चुगिज क्लब बेन्फिकासँग बराबरीमा रोकिएको छ । गएराति भएको खेलमा दुवै टोलीले १-१ को बराबरी खेलेका हुन् ।

खेलको २२औं मिनेटमा लियोनल मेस्सीले गोल गर्दै पिएसजीलाई अग्रता दिलाएका थिए । नेयमारको पासमा डिबक्स बाहिरबाट उनले सुन्दर गोल गरेका थिए । तर, ४१औं मिनेटमा पिएसजीकै डानिलो पेरेराले आत्मघाती गोल गर्न पुगेपछि खेल बराबरीमा रोकियो ।