अस्थायी बाँध बाँधेर सिँचाइ गर्दै किसान

गोलबजार- सिरहाको कल्याणपुर नगरपालिकाका किसानले भेडवा नदीमा अस्थायी बाँध बाँधेर खेतमा सिँचाइ गर्न थालेका छन् । अकाशेपानीमा आश्रित किसानहरू साउनको तेस्रो सातासम्म पनि पर्याप्त पानी नपर्दा अस्थायी बाँध बाँधेर सिँचाइ गर्न बाध्य भएका हुन् ।

कल्याणपुर नगरपालिका–४ का वडाध्यक्ष प्रजितकुमार यादवका अनुसार स्थानीय किसानको जनश्रमदान र नगरपालिकाको सहयोगमा सिँचाइ उपलब्ध गराइएको बताए । उनले यसपाली समयमा धान रोपाइँ नभएकाले धान उत्पादन घट्ने अनुमान गरे ।