पृथ्वीचोकका सुकुमबासीलाई ३ दिनभित्र विवरण बुझाउन पोखरा महानगरको उर्दी

पोखरा । पोखरा महानगरपालिकाले पृथ्वीचोकस्थित बसपार्क क्षेत्रमा बसोबास गर्दै आएका सुकुमबासीहरुलाई आफ्नो विवरण ३ दिनभित्र बुझाउन उर्दी जारी गरेको छ । बसपार्कमा बस्दै आएका भूमिहीन दलित, सुकुम्बासी तथा अव्यवस्थित बसोबासीहरूलाई आफ्नो विवरण वडा कार्यालयमा बुझाउन भनिएको हो ।

बुधबार सूचना जारी गर्दै महानगरले निवेदनको ढाँचा समेत दिएर विवरण बुझाउन भनेको छ । पोखरा उपत्यका नगर विकास समितिको स्वामित्वमा रहेको उक्त जग्गामा यसअघि नै महानगरपालिकाबाट निस्सा वितरण गरिसकेको छ । अब सुकुमबासीले जेठ ८ गतेसम्ममा वडा कार्यालयमा कागजातसहित उपस्थित हुनुपर्छ ।