Monde Selection मा स्वर्णपछि The Himalayan Reserve लाई TWSC 2026 मा कास्य पदक

काठमाडौं/ नेपालको मदिरा उद्योगका लागि ऐतिहासिक उपलब्धिका रूपमा ‘द हिमालयन रिजर्भ’ले प्रतिष्ठित टोकियो ह्विस्की एण्ड स्पिरिट्स कम्पिटिसन (TWSC) २०२६ मा कास्य (Bronze) अवार्ड जित्न सफल भएको छ ।

गत वर्ष बेल्जियमको ब्रसेल्समा आयोजित अन्तर्राष्ट्रिय प्रतिष्ठित ‘मोन्दे सेलेक्सन’मा स्वर्ण पदक जितेको द हिमालयन रिजर्भले यसपटक पनि अन्तर्राष्ट्रिय मञ्चमा नेपालको पहिचान स्थापित गर्न सफल भएको हो ।

एशियाकै सबैभन्दा ठूलो तथा कडा प्रतिस्पर्धामध्ये एक मानिने TWSC मा जापानका अनुभवी विज्ञहरूको ब्लाइन्ड टेस्टिङ प्यानलमार्फत मूल्यांकन गरिएको थियो । विश्वका चर्चित डिस्टिलरीहरूसँग प्रतिस्पर्धा गर्दै द हिमालयन रिजर्भले आफ्नो गुणस्तर र उत्कृष्ट ब्लेन्डिङ क्षमता प्रस्तुत गरेको कम्पनीले जनाएको छ ।

यो उपलब्धि यसको मूल कम्पनी Premier Distillery Limited का लागि पनि महत्वपूर्ण मानिएको छ । नेपालकै आधुनिक तथा एकीकृत मदिरा उत्पादक कम्पनीका रूपमा परिचित प्रिमियर डिस्टिलरीले उच्च गुणस्तर र कडा गुण नियन्त्रण प्रणाली अपनाउँदै आएको छ ।

कम्पनीले मोहन मिकिन लिमिटेडसँगको फ्रेन्चाइज सम्झौताअन्तर्गत ‘ओल्ड मङ्क ७ इयर ओल्ड रम’, ‘ओल्ड मङ्क लेजेन्ड रम’ तथा ‘ब्ल्याक स्टालियन’जस्ता लोकप्रिय ब्रान्ड उत्पादन गर्दै आएको छ ।

कम्पनीका अनुसार यो पुरस्कार केवल द हिमालयन रिजर्भको सफलता मात्र नभई नेपाली मदिरा उद्योगको सम्भावना र विश्वस्तरीय गुणस्तरको प्रमाण पनि हो । यस उपलब्धिले नेपालको मौलिक स्वाद, भू–परिवेश (Terroir) र ब्लेन्डिङ दक्षतालाई अन्तर्राष्ट्रिय स्तरमा स्थापित गर्न थप मद्दत पुग्ने विश्वास गरिएको छ ।

सम्बन्धित विषय:

# The Himalayan Reserve