लुम्बिनी प्रदेश प्रहरीले आजदेखि तीन दिने विशेष कार्यक्रम सञ्चालन गर्दै

लुम्बिनी प्रदेश प्रहरी कार्यालयले आज (शनिबार)देखि तीन दिने विशेष कार्यक्रम सञ्चालन गर्ने भएको छ । सार्वजनिक सुरक्षा, सामाजिक जिम्मेवारी र सचेतना अभिवृद्धि गर्ने उद्देश्यका साथ फरक–फरक स्थानमा तीनवटा विशेष कार्यक्रम आयोजना गर्न लागिएको हो ।

बुटवलस्थित प्रहरी तालिम केन्द्रमा ह्याकाथन, लुम्बिनीमा शान्ति पदयात्रा तथा सामाजिक जनचेतना कार्यक्रम आयोजना गरिएको लुम्बिनी प्रदेश प्रहरी प्रमुख (डीआइजी) भूपेन्द्रबहादुर खत्रीले जानकारी दिए ।