सरकारका १०० दिन : ई-गभर्नेन्समा जोड, डिजिटल सार्वजनिक सेवामा नयाँ प्रगति (पूर्ण पाठ)

काठमाडौं । वर्तमान सरकारले कार्यभार सम्हालेको १०० दिन पूरा गरेको अवसरमा आफ्नो प्रगति विवरण सार्वजनिक गरेको छ । प्रधानमन्त्री तथा मन्त्रिपरिषद् कार्यालयमा आयोजित पत्रकार सम्मेलनमा सरकारका प्रवक्ता तथा शिक्षामन्त्री सस्मित पोखरेलले सरकारले तय गरेको १०० दिने कार्ययोजनाअन्तर्गत भएका उपलब्धि सार्वजनिक गर्दै विशेष गरी डिजिटल शासन (Digital Governance) र प्रविधिमैत्री सार्वजनिक सेवा विस्तारलाई प्रमुख उपलब्धिका रूपमा प्रस्तुत गरे ।

प्रवक्ता पोखरेलका अनुसार सरकारले राष्ट्रिय स्वतन्त्र पार्टी (रास्वपा) को चुनावी प्रतिबद्धताअनुसार संघीय मन्त्रालयको संख्या घटाएर १८ मा सीमित गरेको छ । तर सरकारको सय दिने उपलब्धिमा सबैभन्दा बढी जोड डिजिटल रूपान्तरणमा दिएको छ ।