पक्की सडक निर्माण गर्न आग्रह गर्दै कागेश्वरी मनोहरा- ७ का वडा अध्यक्षलाई ज्ञापनपत्र

काठमाडौँ । काठमाडौँको कागेश्वरी मनोहरा नगरपालिका ८ का बासिन्दाले आफ्नो टोलमा रहेको सडक तत्काल निर्माण गरिदिन पहल गर्न माग गर्दै वडा नम्बर ७ का वडा अध्यक्ष भीमसेन थापालाई ज्ञापनपत्र बुझाएका छन् ।

उनीहरुले कागेश्वरी मनोहरा ८ को साविक नागरिक सहकारी संस्थाबाट करिब ३ सय मिटर दक्षिण तथा वीरेन्द्रचोक नजिकको सानो गणेश मन्दिरबाट उत्तरतर्फ रहेको सो सडक दुई वडाबिचको सीमा रहेको र जग्गा प्लानिङ गर्ने व्यक्तिहरुले गरेको गडबडीका कारण सडक निर्माण अधुरो रहँदै आएको जनाउँदै तत्काल कालोपत्रे गर्न माग गर्दै ज्ञापनपत्र बुझाएका हुन् ।