आयल निगममा हुँदा खड्काको अकुत आर्जन

काठमाडौ: विशेष अदालतले नेपाल आयल निगमका पूर्वकार्यकारी निर्देशक गोपालबहादुर खड्काको घर–सम्पत्ति जफतसहित १५ महिना जेल सजाय तोकेको छ। गैरसम्पत्ति आर्जनको भ्रष्टाचार मुद्दामा उनलाई दोषी ठहर गर्दै विशेष अदालतले शुक्रबार यस्तो फैसला गरेको हो।

विशेषका अध्यक्ष श्रीकान्त पौडेल तथा सदस्यद्वय शालिग्राम कोइराला र खुसीप्रसाद थारूको इजलासले खड्काको घरजग्गा, बैंक मौज्दात र सेयर जफत हुने फैसला गरेको हो। जरिवाना र बिगो गरी उनीबाट १८ करोड बढी असुल गर्ने फैसलामा उल्लेख छ।