घाटबाट करोडौँ राजस्व गुमाउँदै पोखरा महानगर

पोखरा । २०७७ सालमा पोखरा महानगरभित्र सेटिङमार्फत हुने सरकारी सम्पत्ति हानी नोक्सानीको पर्दाफास भयो । कर्मचारी र जनप्रतिनिधिले कसरी सार्वजनिक सम्पत्ति दुरुपयोग गर्छन् र उनीहरुले कतिसम्म सेटिङ गर्न भ्याउँछन् भन्ने उतिबेलै छताछुल्ल भएको थियो ।

राजस्वका कर्मचारीले समयमा ताकेता नगर्दा ३ करोडभन्दा बढी राजस्व गुमाउने अवस्था थियो । पछि खबर सार्वजनिक भएपछि रातारात कर्मचारीले आफ्नै खल्तीबाट रकम हालेर मुद्दालाई सामसुम पारे । अझै त्यसले ‘क्लिन चिट’ पाइसकेको छैन, केही कर्मचारी र जनप्रतिनिधि अनुसन्धानकै दायरामा छन् ।