एउटा नयाँ शुरुवात

कोभिड तथा अनेकन् समस्याका दृष्टिकोणले धेरै कुरा भएको छ । एक हिसाबमा यो एउटा नयाँ शुरुवात हो । यो नवीन आरम्भमा हामीले भुल्नै नहुने कुरा के हो भने धेरै मानिस अब यो संसारबाट बिदा भइसकेका छन् । हामीले तिनलाई फर्काउन त सक्दैनौँ । तथापि, तिनलाई हामीले आफ्नो सम्झनामा जीवित राख्न सक्छौँ । अब अघि बढ्नुपर्ने आवश्यकता छ । यो संसारमा विभिन्न कुराहरू– सुख, दुःख, राजनीतिक दलहरूदेखि सैनिक व्यवस्था आदि छन् । रुख छन्, बिरुवा छन्, जनावर छन् तर तपाईँ पनि हुनुहुन्छ । तपाईँ जीवित हुनुहुन्छ । सबैभन्दा ठूलो कुरा नै तपाईँ जीवित हुनुहुन्छ । यद्यपि, तपाईँका लागि तपाईँ जीवित रहनुको अस्तित्व के रहन्छ । सबैमा एउटा धारणा छ । हामी आफ्नो जीवनलाई फेरि प्राप्त गर्न सक्छौँ भने जसरी जिउँछौँ । यसको कुनै प्रमाण छैन तर सबैमा धारणा छ । यसको कुनै प्रमाण छैन । हामी जन्मेपछि हाम्रो जन्मदर्ताको प्रमाणपत्र बनाइन्छ । ‘हामी पहिला यहाँ थियौँ र अहिले फेरि यहीँ नै आएका छौँ’ भन्ने कुराको कुनै पनि प्रमाण छैन ।

हामी फेरि फर्केर आउँछौँ भने जसरी हामीले हाम्रो जीवन जिइरहेका छौँ । मूल कुरा हामी अघि बढ्नुपर्छ । अघि बढेपछि त्यसको पनि आफ्नै चुनौती हुन्छ । वास्तवमा मानिसहरूले धेरै कुरा सिकेका पनि छन् । तथापि, अघि बढ्ने कुरामा सोच–विचार गर्नु अत्यावश्यक छ । पहिला जीवन जसरी चलिरहेको थियो त्यसरी होइन । आपूmसँगै रहने काम सजिलो हुँदैन । जीवन जसरी व्यतीत गरिरहनुभएको थियो त्यसबाट के फाइदा भयो ? थोरै मात्र भारी बोकिएको त थिएन नै । सकेसम्मको बोझलाई बोकिएको थियो । ‘मेरो त्यस कुराको के होला, यस कुराको के होला ! त्यो सबै सकियो ! मेरो जागिरको के हुन्छ ? त्यो पनि सकियो ।’ यो अघि बढ्ने अवसर हो । यदि अघि बढ्ने हो भने गह्रौँ बोझलाई उठाउनुहुँदैन । थोरै मात्रै बोक्नुपर्छ, किनभने गर्दन सीधा हुनुपर्छ, बाङ्गिनुहुँदैन ।