मत विभाजन नगरेरै नियम विपरीत अस्वीकृत भयो सुदूरपश्चिम प्रदेश सभाबाट मुख्यमन्त्रीले मागेको विश्वासको मत

कैलाली : सङ्घीयता अभ्यासको पहिलो कार्यकालमा सुदूरपश्चिम प्रदेश मुख्यमन्त्री फेरबदल भएन। यस पटक सरकार गठनको महिना दिन नबित्दै मुख्यमन्त्री फेरबदलको क्रम यसै प्रदेशबाट सुरु भएको छ।

बिहीबार मुख्यमन्त्री नियुक्त भएको ३० औं दिनमै सुदूरपश्चिमका मुख्यमन्त्री राजेन्द्र सिंह रावल पदमुक्त भएका छन्। प्रदेश सभाबाट विश्वासको मत पाउन नसकेर उनी पदमुक्त भएका हुन्। तर, रावलको संसदबाट भएको बहिर्गमन भने प्रदेश सभा नियमावली २०७४ को विपरीत देखिएको छ।