किन ढिलाई हुँदैछ तीनकुने–जडीबुटी खण्डमा फ्लाइओभर र अन्डरपास निर्माण

काठमाडौं । ट्राफिक जाम अत्यधिक हुने तीनकुने–जडीबुटी खण्डमा फ्लाइओभर र अन्डरपास निर्माणको काम थाल्न डेढदेखि दुई वर्ष लाग्ने भएको छ।

जापान अन्तर्राष्ट्रिय सहयोग नियोग (जाइका) को सहुलियतपूर्ण ऋण सहयोगमा यसको निर्माण गर्न लागिएको हो। २ भदौ २०८२ मा बसेको मन्त्रिपरिषद् बैठकले कोटेश्वर इन्टरसेक्सन सुधार आयोजना कार्यान्वयनका लागि जापान सरकारबाट ३४ अर्ब ४९ करोड जापानी येन (करिब ३० अर्ब ८ करोड रुपैयाँ) सहुलियतपूर्ण ऋण सहायता लिने निर्णय गरेसँगै निर्माण प्रक्रिया अघि बढाउन बाटो खुलेको हो।