लमजुङमा पहिलो पटक वितरण गरियो गैरआवासीय नेपाली नागरिकता

लमजुङ । लमजुङमा गैरआवासीय नेपाली नागरिकता वितरण थालिएको छ । जिल्ला प्रशासन कार्यालय लमजुङले बेसीशहर नगरपालिका– १, भकुण्डे माइती र बेसीशहर नगरपालिका– १, उदिपुरको खत्रीचौर गाउँमा घर भई हाल अस्ट्रेलियाको सिड्नीमा बस्दै आएका शिवबहादुर बुढाथोकीका दम्पतीलाई गैरआवासीय नागरिकता प्रदान गरेको हो ।

प्रमुख जिल्ला अधिकारी रामकृष्ण अधिकारीले सहायक प्रमुख जिल्ला अधिकारी गोकर्णराज सुयलको रोहबरमा सेवाग्राहीलाई गैर आवासीय नागरिकता हस्तान्तरण गर्नु भएको हो । शिवबहादुर बुढाथोकीले गैरआवासीय नागरिकता लिनु अघि उनकी श्रीमती पवित्रा थापा बुडाथोकीलाई नेपाली नागरिकता वितरण गरिएको थियो । उनको माइती बेसीशहर नगरपालिका– २ भकुण्डे गाउँमा हो ।